"ადვოკატთა და იურისტთა საერთაშორისო ობსერვატორიის“ მიერ მთავარი პროკურორობის კანდიდატად წარდგენილმა გიორგი გოგაძემ საკუთარი კანდიდატურა მოხსნა. ამის შესახებ ინფორმაციას საქართველოს პროკურატურის პრესსამსახურმა გაავრცელა.
„გიორგი გოგაძე მადლობას უხდის არასამთავრობო ორგანიზაციას გამოცხადებული ნდობისთვის, თუმცა წარდგენა მთავარი პროკურორის კანდიდატად მოხდა მასთან კონსულტაციის და შეთანხმების გარეშე. გიორგი გოგაძის სამომავლო გეგმებში არ შედის აღნიშნული თანამდებობის დაკავება და შესაბამისად, ის ხსნის საკუთარ კანდიდატურას”, – აცხადებენ პროკურატურაში.
საპროკურორო საბჭოში მთავარი პროკურორის პოსტზე დღემდე 7 განაცხადი იყო შესული, მათ შორის ამ თანამდებობაზე გიორგი გოგაძის კანდიდატურა იყო წარდგენილი.