თარიღი    დრო

უკრაინელი ექსპერტების დასკვნას არ ვენდობი, რადგან მე ვიცი ჩემი შვილის ამბავი - დაღუპული მეშახტის მამა

საქართველო, თბილისი - 15:11 06.21.2018 147

უკრაინელმა ექსპერტებმა დამისახელონ თუ მივიდა ჩემი შვილი იმ წერტილამდე, სადაც აფეთქება იყო, - განაცხადა ტყიბულის შახტაში დაღუპული პავლე გამეზარდაშვილის მამამ, გურამ გამეზარდაშვილმა. მისი თქმით, ის უკრაინელი ექსპერტების დასკვნას არ ენდობა, რადგან მომხდარში ადამიანური გადაცდომის ფაქტორს გამორიცხავს.

"იმას, რომ მომხდარის მიზეზი იყო ადამიანური გადაცდომა, არავითარ შემთხვევაში არ ვენდობი. უკრაინელმა ექსპერტებმა დამისახელონ თუ მივიდა ჩემი შვილი იმ წერტილამდე, სადაც აფეთქება იყო. დასკვნას იმიტომ არ ვენდობი, რომ მე ვიცი ჩემი შვილის ამბავი. პირველ ცვლაში იყო და ყველაფერი იცოდა. შახტში რომ ჩადიოდა, ასე ამბობდა: „ღმერთო გადამარჩინე და მშვიდობით გამომიყვანეო“. რაღაც რომ მოხდებოდა, წინასწარ იცოდა. შეიძლება მართლაც მოხდა აფეთქება, მაგრამ ისეთი ადგილი იყო, არც აფეთქება უნდა დაეშვათ იქ და არც არაფერი. უნდა დახურულიყო წინასწარ. საერთოდ მუშაობა არ შეიძლებოდა იქ, ისეთი კატასტროფული მდგომარეობა იყო. არანაირი ვენტილაცია, არანაირი ჰაერი არ მოძრაობდა შიგნით. ჩემი შვილი 12-ის ის ნახევარზე რომ გავიდა, ასე თქვა: ღმერთო მშვიდობით გამომიყვანეო, პირჯვარი გადაიწერა და მე გავაცილე,“ - განაცხადა გურამ გამეზარდაშვილმა. 

ცნობისთვის, პავლე გამზეზარდაშვილი, ტყიბულის შახტაში 2018 წლის 5 აპრილს დაიღუპა. 




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.2%
შემცირდა 11.1%
არ შეცვლილა 2.7%