უკრაინის ყოფილმა პრემიერ-მინისტრმა, პარტია „ბატკივშინას“ ლიდერმა იულია ტიმოშენკომ განაცხადა, რომ ის მომავალ წელს ქვეყნის პრეზიდენტობის კანდიდატად წარსდგება. საპრეზიდენტო არჩევნები უკრაინაში დაგეგმილია 2019 წლის 31 მარტს.
"მე წარვსდგები უკრაინის პრეზიდენტობის კანდიდატად. არა იმიტომ, რომ უბრალოდ დავამარცხო ავტორიტარული ხელისუფლება. ჩემთვის პრეზიდენტის თანამდებობა სათამაშო არენა არაა. ეს რეალური ცვლილებებია, რომელიც ქვეყანას ელოდება“ - განაცხადა ტიმოშენკომ დღეს „Facebook“-ზე გამართული ვიდეოკონფერენციისას.