საქართველო შეუერთდა კოსმოსის ათვისების პროექტს და შესთავაზა მათ ყურძნის გაშენება - ნათქვამია საქართველოს ეროვნული მუზეუმის განცხადებაში.
აღსანიშნავია, რომ ამერიკული კოსმოსური სააგენტო "NASA" აქტიურად მუშაობს მარსის კოლონიზაციის პროექტზე. საქართველოს ეროვნულმა მუზეუმმა განაცხადა რომ "NASA"-ს ასტრონავტებმა კოსმოსურ სადგურზე უკვე ჩაატარს რამდენიმე წარმატებული ექსპერიმენტი მზარდ საკვებ პროდუქტებზე.
„ის პოტენციალი რომელიც გაჩნია საქართველოს ამ კუთხით, მსოფლიოში უნიკალურია, იმდენად რამდენადაც ეს ეხება ვაზის კულტივაციის უძველეს კულტურას“ - ნათქვამია განცხადებაში.
საქართველოში შექმნიან სამუშაო ჯგუფს, რომელიც დაკომპლექტდება სახელმწიფო სტრქუქტურების წარმომადგენლებისგან, ასევე სამეცნიერო და კვლევითი დაწესებულებებიდან.
პირველ ეტაპზე საინიციატივო ჯგუფში შევლენ განათლებისა და მეცნიერების სამინისტრო, ეროვნული მუზეუმი, ბიზნესისა და ტექნოლოგიის უნივერსიტეტი, კომპანია „Microsoft“-ის წარმომადგენელი ნიკოლოზ დობორჯგინიძე და კომპანია „Space Farms“-ი.
პროექტში ასევე ჩართულია ქართული კრეატიული სააგენტო „Windfor's“-ი.
სასტუმრო „სატამბაში“ შეიქმნება რეგიონში პირველი ურბანული ვერტიკალური სასათბურე ლაბორატორია, რომელსაც კურირებას გაუწევს კომპანია "Space Farms"-ი - ნათქვამია საქართველოს ეროვნული მუზეუმის განცხადებაში.
სასათბურე ლაბორატორია მუშაობას დაიწყებს 2018 წლის სექტემბრის თვიდან. მასში გამოზრდიან, გამოიკვლევენ და განავითარებენ ვაზის სპეციალურ ჯიშებს.