ბათუმში, მდინარე ბარცხანის კალაპოტი საყოფაცხოვრებო ნარჩენებისგან გაიწმინდა. გაწმენდითი სამუშაოები მთელი დღის განმავლობაში მიმდინარეობდა. შპს ,,სანდასუფთავების“ თანამშრომლებმა პოლიეთილენის ბოთლები და სხვა საყოფაცხოვრებო ნარჩენები მდინარის ნაპირებიდან და კალაპოტიდან ამოიღეს.
დღეს ორი მდინარის - მეჯინისწყლისა და ყოროლისწყლის კალაპოტების გაწმენდა იგეგმება.
ბათუმის მერია მოუწოდებს მოსახლეობას, გამოიჩინონ მაღალი მოქალაქეობრივი თვითშეგნება და გაუფრთხილდნენ გარემოს.
