ნარკოდანაშაულში მსჯავრდებული მსახიობის, გიორგი გიორგანაშვილის, იგივე ბახალას საქმეზე თბილისის სააპელაციო სასამართლოს მოსამართლეთა კოლეგიამ შესაძლოა, განაჩენი დღეს გამოაცხადოს.
ამ წუთებში, სასამართლოში დასკვნით სიტყვას ბრალდების მხარე წარმოთქვამს.
სხდომას არ ესწრება მსჯავრდებული, მან დღეს დარბაზი პროტესტის ნიშნად დატოვა და განაცხადა, რომ "ფარსში" მონაწილეობას არ აპირებდა.
შეგახსენებთ, რომ გიორგი გიორგანაშვილი მიმდინარე წლის 23 იანვარს, პირდაპირ სასამართლოს დარბაზშივე დააკავეს. მოსამართლემ გიორგანაშვილს 8 წლით თავისუფლების აღკვეთა მიუსაჯა.
აღნიშნულ საქმეზე გამოძიება მას განსაკუთრებით დიდი ოდენობით ნარკოტიკული საშუალების შემცველი 45 აბის და 4 აბის ნატეხის პირადი მოხმარების მიზნით შეძენა-შენახვას ედავებოდა. თუმცა, გამოძიებამ მას 2 აპრილს ბრალი ორგანიზებული ნარკოდანაშაულისთვის დაუმძიმა.