თბილისში ძლიერი წვიმის გამო საგანგებო სიტუაციების მართვის სამსახურში 205 შეტყობინება შევიდა.
მათი ინფორმაციით, ყველაზე მეტი შეტყობინება დაფიქსირდა გლდანი-ნაძალადევისა და ისანი-სამგორის რაიონიდან, სადაც ძლიერმა ნალექმა გამოიწვია წყალმოვარდნები გზაზე და დატბორა რამდენიმე შენობის სარდაფი, ძლიერმა ქარმა კი დააზიანა ელექტროსადენები და წააქცია ხეები.
მათივე ინფორმაციით, საგანგებო სიტუაციების მართვის სამსახურის მეხანძრე-მაშველები ამ წუთებშიც აწარმოებენ წყლის ამოტუმბვით სამუშაოებს.
მათივე ცნობით, სტიქიის შედეგად არავინ დაშავებულა.