თბილისის საქალაქო სასამართლოს სასადილოში მომხდარ ინციდენტთან დაკავშირებით, შინაგან საქმეთა სამინისტროს გენერალურ ინსპექციაში ჩატარებული სამსახურებრივი შემოწმებით ოთხ პოლიციელს დისციპლინური სახდელი - საყვედური, ხოლო ადგილზე მყოფ ხელმძღვანელ პირს- სასტიკი საყვედური გამოუცხადეს.
სარალიძე შსს-ს რეაგირებას აღნიშნულ ინციდენტთან დაკავშირებით, მიესალმება.
ცნობისთვის, რამდენიმე დღის წინ, ადმინისტრაციული წესით დაკავებული ზვიად კუპრავა სამართალდამცავებმა სასადილოდან სასამართლოს დარბაზში ძალის გამოყენებით აიყვანეს. ინციდენტი მაშინ მოხდა, როცა ზვიად კუპრავა ზაზა სარალიძესთან ერთად სადილობდა. მას საპატრულო პოლიციის თანამშრომლებმა უთხრეს, რომ მოსამართლე ეძახდა და სადილობა შეეწყვიტა. კუპრავამ პოლიციელებს უთხრა, რომ ის დაასრულებდა სადილობას და მალე ავიდოდა, თუმცა ამის საშუალება არ მისცეს და სასამართლო დარბაზში აიყვანეს. მცირე შეხლა-შემოხლის გამო, სასამართლოს სასადილოს ინვენტარი დაიმტვრა.