პარლამენტის გარემოს დაცვის კომიტეტის თავმჯდომარტე კახა კუჭავა აცხადებს, რომ მისი პოზიციაა გარემოს დაცვის სამინისტრო ცალკე უწყებად არსებობდეს.
ამის შესახებ განცხადება კახა კუჭავამ დღეს ჟურნალისტებთან გააკეთა და აღნიშნა, რომ მას ეს პოზიცია ჰქონდა 6 თვის წინაც, როდესაც მთავრობის სტრუქტურული ცვლილებები განხორციელდა და ახლაც იგივე პოზიცია აქვს.
„დაველოდებით სტრუქტრული ცვლილებების ხედვის ოფიციალურად წარმოდგენას და შემდეგ დავაფიქსირებ ჩემს პოზიციას. მიმაჩნია, რომ გარემოს დაცვის საკითხები პრიორიტეტული უნდა გახდეს და როგორი ფორმით მოხდება ეს ამაზე შესაძლოა ვიმსჯელოთ“ - განაცხადა კახა კუჭავამ.