ავტოკონცერნ "Audi"-ს აღმასრულებელი დირექტორი რუპერტ შტადლერი „დიზელის სკანდალთან“ დაკავშირებით დააკავეს. მიმდინარეობს დადგენა, იყო თუ არა დაკავება სამართლიანი.
როგორც „Suddeutsche Zeitung“-ი იუწყება გერმანელმა სამართალდამცავებმა შტადლერი დროებით დააკავეს. ავტოკონცერნის დირექტორი ეჭვმიტანილია თაღლითობასა და გაყალბებაში. მის წინააღმდეგ აღძრულია სისხლის სამართლის საქმე. მიმდინარეობს ჩხრეკა მის ბინაში. დაკავებულია ამ საქმესთან დაკავშირებული კიდევ 20-მდე თანამშრომელი.
ცნობისთვის, ე.წ. დიზელის სკანდალი 2015 წელს დაიწყო, როდესაც ცნობილი გახდა, რომ დიზელის ძრავიანი ავტომობილები სპეციალურად იყვნენ აღჭურვილები ისეთი მოწყობილობით, რომელიც ჰაერის დაბინძურების მაჩვენებელს აყალბებდა.