თარიღი    დრო

ახალგაზრდული ეკონომიკა იქნება ჩვენი სტრატეგიის ერთ-ერთი ყველაზე მთავარი კომპონენტი - მამუკა ბახტაძე

საქართველო, თბილისი - 16:06 06.17.2018 557

ახალგაზრდული ეკონომიკა იქნება ჩვენი სტრატეგიის ერთ-ერთი ყველაზე მთავარი კომპონენტი, - ამის შესახებ პრემიერ-მინისტრობის კანდიდატმა, მამუკა ბახტაძემ ტექნოპარკში, ახალგაზრდა სტარტაპერებთან შეხვედრის დასრულების შემდეგ განაცხადა.

მისი თქმით, საქართველოს ძალიან მნიშვნელოვანი რესურსი აქვს, დამკვიდრდეს მსოფლიო რუკაზე როგორც ტექნოლოგიური ქვეყანა და ქვეყანა, რომელიც ახალისებს ინოვაციებს, ქვეყანა სადაც ახალგაზრდები და მოსახლეობა ინოვაციებშია ჩართული.

"გვქონდა შეხვედრა ჩვენ სტარტაპერებთან და ინოვატორებთან. მოგეხსენებათ, რომ ახალგაზრდული ეკონომიკა იქნება ჩვენი სტრატეგიის ერთ-ერთი ყველაზე მთავარი კომპონენტი. მოვისმინე არაერთი ინიციატივა. მეც გავაცანი ის ხედვები, რაც მაქვს, რომ ეს სექტორი საქართველოში გავხადოთ ძალიან წარმატებული.

ვფიქრობ, ძალიან მნიშვნელოვანი რესურსი გვაქვს საქართველოში, რომ დავმკვიდრდეთ მსოფლიო რუკაზე როგორც ტექნოლოგიური ქვეყანა და ქვეყანა, რომელიც ახალისებს ინოვაციებს, ქვეყანა სადაც ახალგაზრდები და მოსახლეობა ინოვაციებშია ჩართული.

ჩვენ გვაქვს სურვილი და გვექნება შესაბამისი საგადასახადო რეფორმა, რომლის მიხედვითაც, იმედი გვაქვს საქართველოში მოვიზიდავთ მსოფლიოში წამყვან გლობალურ ტექნოლოგიურ კომპანიებს, მათი წარმომადგენლობითი ოფისები განთავსდეს საქართველოში, რაც დამატებით სტიმულს მისცემს სტარტაპ სულისკვეთების წახალისებას საქართველოში“,- განაცხადა მამუკა ბახტაძემ.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%