ჯერჯერობით ფაქტია, რომ შსს პროკურატურის ხაზს მიყვება - განაცხადა ჟურნალისტებთან ხორავას ქუჩაზე მოკლული დავით სარალიძის მამამ, ზაზა სარალიძემ.
ის შსს-ში ხელახალი გამძიების ფარგლებში გამოკითხვაზე იმყოფებოდა. როგორც ის განმარტავს, გამძიებას მის ხელთ არსებული ინფორმაცია კიდევ ერთხელ მიაწოდა.
"შსს-ში პასუხებს ჯერ ვერაფერზე მცემენ, რადგანაც ეს არის დაკითხვის პროცესი. ელემენტარული, სასამართლო ჩვენებებიც არ არის გადმოგზავნილი ჯერ ამათთან და რაზე უნდა იმსჯელონ, ისიც არ ვიცი. მხოლოდ და მხოლოდ აქვთ წინასაგამოძიებო ჩვენებები. ჯერჯერობით ფაქტია, რომ პროკურატურის ხაზს მიყვებიან, მაგრამ მინდა აღვნიშნო, ყველაზე მეტი უბედურება ის არის, ესენი რა დასკვნასაც დადებენ, მაინც პროკურატურამ უნდა განიხილოს და რა აზრი აქვს, ვეღარ ვხვდები“, - აცხადებს სარალიძე.
ცნობისთვის, პირვველ დეკემბერს, ხორავას ქუჩაზე მოზარდებს შორის სისხლიან დაპირისპირებას ორი არასრულწლოვნის, ლევან დადუნაშვილისა და დავით სარალიძის სიცოცხლე ემსხვერპლა.
არასულწლოვანის, ლევან დადუნაშვილის განზრახ მკვლელობაში დამნაშავედ ცნობილ გ.ბ-ს სასამართლომ 10 წელი 6 თვე მიუსაჯა, ხოლო დამამძიმებელ გარემოებაში არასრულწლოვან დავით სარალიძის განზრახ მკვლელობის მცდელობაში ბრალდებულ გ.ჯ.-ს 9 წელი და 9 თვე მიესაჯა.
სასამართლოს ამ გადაწყვეტილებით, სარალიძის მკვლელობაში დამნაშავე პირი დაუდგენელია. სწორედ ამას აპროტესტებს მოკლულის მამა, ის დამნაშავეების დასჯას ითხოვს
