ევროპის მომავლის საკითხს განიხილავენ გერმანიის კანცლერი ანგელა მერკელი და საფრანგეთის პრეზიდენტი ემანუელ მაკრონი შეხვედრაზე, რომელიც 19 ივნისს სამთავრობო რეზიდენციაში - მეზებერგის სასახლეში გაიმართება. ამის შესახებ განცხადება გერმანიის მინისტრთა კაბინეტის ოფიციალურმა წარმომადგენელმა შტეფენ ზაიბერგმა გამართულ ბრიფინგზე გააკეთა.
„შუადღისთვის შედგა მოლაპარაკებები და საქმიანი სადილი საფრანგეთის პრეზიდენტთან. დღის მეორე ნახევარში ჩატარდება გერმანულ-ფრანგული კონსულტაციები. ცენტრალური თემა იქნება ევროპის მომავლის საკითხი. საქმე ასევე ეხება საერთო გერმანულ-ფრანგულ წვლილს ევროკავშირის საბჭოში“ - განაცხადა ზაიბერტმა.
მისივე თქმით, "იმავე დღის საღამოს ქვეყნის ლიდერებს შეუერთდებათ ევროკომისიის თავმჯდომარე ჟან-კლოდ იუნკერიც. ისინი ერთად ჩაატარებენ შეხვედრას „მრგვალი მაგიდის“ ფარგლებში, რომლის სასაუბრო თემა იქნება ვაჭრობა, ინვესტიცია და დიგიტალიზაცია“ - განაცხადა მან.
