[მიხეილ ჯანელიძეს] თავად აქვს სურვილი, რომ დატოვოს თანამდებობა. ეს არ ყოფილა გუნდის პოზიცია. აღნიშნული გადაწყვეტილება თავად აქვს მიღებული. ალბათ თავად ისაუბრებს ამაზე, - ამის შესახებ პარლამენტის თავმჯდომარის პირველმა მოადგილემ, თამარ ჩუგოშვილმა განაცხადა.
მისი თქმით, სამთავრობო ცვლილებებთან დაკავშირებით კონსულტაციები კვლავ მიმდინარეობს, თუმცა, ის თავს იკავებს კონკრეტულ გვარებსა და იმ კონკრეტულ უწყებებზე საუბრისგან, სადაც შესაძლოა, ცვლილება განხორციელდეს.
ჩუგოშვილის განცხადებით, დაგეგმილია მთავრობაზე საპარლამენტო კონტროლის გაზრდა.
„ჩვენ სერიოზულად ვაპირებთ საპარლამენტო კონტროლის გაზრდას მთავრობაზე. ასე რომ, ახალ პრემიერ-მინისტრს ველოდებით ბევრად უფრო ხშირად და აქტიურად. ბევრი გამოწვევა და პრობლემა ხვდება ახალ გუნდს და იმედია, ერთად გავართმევთ თავს“, – განაცხადა თამარ ჩუგოშვილმა.