საფრანგეთის პრეზიდენტს ემანუელ მაკრონს დიდი ბრიტანეთის ევროკავშირიდან გასვლის შემდეგ სურს, რომ ფრანგული ენა ევროკავშირის ინსტიტუტის მთავარ ენად იქცეს“ - წერს გაზეთი „Wall Street Journal“-ი.
ევროკავშირის დაწყებითი სკოლების ბავშვების 80 პროცენტი და ევროკავშირის საშუალო ასაკის სკოლების 95 პროცენტზე მეტი ინგილსურს სწავლობენ, როგორც პირველ უცხო ენას.
დღესდღეობით ინგლისური ოფიციალური ენაა ევროკავშირის მოსახლეობის 12,8 პროცენტისთვის. თუმცა, დიდი ბრიტანეთის ევროკავშირიდან გასვლის შემდეფ "ის დარჩება მხოლოდ მეორე ოფიციალურ ენად ორ ქვეყანაში - ირლანდიასა და მალტაში, სადაც ევროკავშირის მოსახლეობის მხოლოდ 1,2 პროცენტი ცხოვრობს“ - წერს გაზეთი.
ამ გარემოებების გათვალისწინებით საფრანგეთის პრეზიდენტი აპირებს დააბრუნოს ფრანგუილ ენა ევროკავშირის მთავარ პოზიციაზე, როგორც იყო დიდი ბრიტანეთის კავშირთან შემოერთებამდე 1973 წელს.
„შესაძლოა ინგლისური არასოდეს იყო ისეთი დიდი დოზით ბრიუსელში, როგორც Brexit-ის საკითხის განხილვის პერიოდში. თუმცა, ეს დომინირება გარდაუვალი არაა“ - აცხადებს მაკრონი.
მაკრონს სურს, დაადგინოს რიგი წესებისა, რომ ფრანგული ენა გახადოს მთავარი. იგი მხარს უჭერს ფრანგული სასწავლო კლასების რაოდენობის ზრდას ევროპის ოფიციალური პირებისთვის, ასევე ფრანგული ენის საერთაშორისო ქსელის გაფართოებისთვის.
ევროკავშირში საფრანგეთის ახალმა წარმომადგენელმა ფილიპ ლეგლიზ-კოსტამ უკვე მხარი დაუჭირა პრეზიდენტის ინიციატივას, რომელმაც აპრილის თვეში უარი განაცხადა მონაწილეობა მიეღო ბიუჯეტის განხილვის სხდომაზე იმის გამო, რომ შეხვედრა ინგლისურ ენაზე უნდა გამართულიყო.