თარიღი    დრო

პრემიერ-მინისტრის პოსტზე მამუკა ბახტაძის კანდიდატურა დაასახელეს

საქართველო, თბილისი - 18:18 06.14.2018 255

საქართველოს პრემიერ-მინისტრის პოსტზე მმართველმა გუნდმა ფინანსთა მინისტრის მოვალეობის შემსრულებლის მამუკა ბახტაძის კანდიდატურა დააყენა. აღნიშნულის შესახებ განცხადება "ქართულ ოცნებაში“ რამდენიმე წუთის უკან საპარლამენტო უმრავლესობის ლიდერმა არჩილ თალაკვაძემ გააკეთა.

პრემიერად წარდგენის შემდეგ ბახტაძემ განაცხადა, რომ მას ქვეყნის განვითარებისთვის რამდენიმე პუნქტიანი გეგმა აქვს.

„პირველი - ეს იქნება ქართველი ხალხის ისტორიული არჩევანის ბოლომდე მიყვანა და საქართველოს ევროპულ სივრცეში სრული ინტეგრაცია.

მეორე - ჩვენ განვახორციელებთ ინოვაციურ და ფუნდამენტურ რეფორმებს ყველა საჭირო მიმართულებით, ჩამოვაყალიბებთ ახალ ეკონომიკურ მოდელს, ახალი სამართლიანი წესებით, რომელიც შეეხება თითოეულ ოჯახს. შევძლებთ და შევამცირებთ ჩამორჩენას დემოკრატიის მაღალ სტანდარტსა და ეკონომიურ მდგომარეობას შორის.

მესამე - მცირე მთავრობის კონცეფცია, საქართველოს სჭირდება მცირე, მაგრამ ამავდროულად მოქნილი და ეფექტური სამთავრობო უწყებები, მიზანშეწონილად მიმაჩნია გაძლიერდეს ინსტიტუციური და საზოგადოებრივი კონტროლი ამ უწყებებზე, ამავე დროს ანტიკორუფციული ხაზით.

მეოთხე - განათლება, ინოვაცია და ახალგაზრდობა,“-განაცხადა ბახტაძემ.

მამუკა ბახტაძის დაბადების თარიღი
1982 წლის 9 ივნისი
განათლება
არის ტექნიკურ მეცნიერებათა დოქტორი
დაამთავრა ივანე ჯავახიშვილის სახელობის თბილისის სახელმწიფო უნივერსიტეტი და საქართველოს ტექნიკური უნივერსიტეტი
ფლობს მ. ლომონოსოვის სახელობის მოსკოვის სახელმწიფო უნივერსიტეტის მაგისტრის ხარისხს
2010 წელს, INSEAD-ის ბიზნეს სკოლაში მიენიჭა MBA-ის კვალიფიკაცია
სამუშაო გამოცდილება
2017 წლის 13 ნოემბრიდან დღემდე - საქართველოს ფინანსთა მინისტრი
2013 წლის აპრილიდან - 2017 წლის 13 ნოემბრამდე - სს „საქართველოს რკინიგზის“ გენერალური დირექტორი 
2010-2012 წლებში - საქართველოს საერთაშორისო ენერგეტიკული კორპორაციის გენერალური დირექტორი 
2007-2008 წლებში - სასტუმროების ქსელ „რჩეულის“ სამეთვალყურეო საბჭოს წევრი
2005-2006 წლებში - სს „საქართველოს რკინიგზა“, პროექტის მენეჯერი
 

 




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.1%
შემცირდა 11.2%
არ შეცვლილა 2.7%