გერმანია ლიზინგით იღებს ისრაელისგან სამხედრო დანიშნულების უპილოტო საფრენ აპარატებს შეთანხმების ფარგლებში, დაახლოებით მილიარდი ევროს ოდენობით. იუწყება ისრაელის ხელისუფლება.
ისრაელის პრემიერ მინისტრმა ბენიამინ ნეთანიაჰუმ დღეს მადლობა გადაუხადა გერმანიის ხელისუფლებას და პარლამენტს გიგანტური და დაუჯერებელი კონტრაქტის დამტკიცების გამო და აღნიშნა მისი მნიშვნელობა ისრაელის თავდაცვითი სისტემისთვის.
„მე ძალზე კმაყოფილი ვარ დღის ბოლოს გერმანიის პარლამენტის მიერ მიღებული გადაწყვეტილებთ, რომელმაც მხარი დაუჭირა გიგანტურ გარიგებას ისრაელისგან უპილოტო საჰაერო ხომალდის ლიზინგის შესახებ. გერმანია ეხმარება ისრაელს თავდაცვის სფეროში და პირიქით, ჩვენ ვეხმარებით მას“ - განაცხადა ნეთანიაჰუმ.
გავრცელებული პრეს რელიზის თანახმად კომპანიამ მიიღო გარიგებიდან 600 მილიონი ევრო. დანარჩენი ნაწილი მედიის ცნობით აეროდრომის გამოყენების, მართვის ცენტრებისა და სხვა ინფრასტრუქტურისთვის ისრაელის ხელისუფლებაში მიიმართება.
„ეს დიდი მიღწევაა ისრაელის სამხედრო უწყებისთვის და დიდი წვლილი ისრაელის ეკონომიკაში. ეს გარიგება ასახავს სტრატეგიულ პარტნიორობას ისრაელსა და გერმანიას შორის“ - განაცხადა ნეთანიაჰუმ.