გერმანიის კანცლერი ანგელა მერკელი და გერმანიის შინაგან საქმეთა მინისტრი ჰორსტ ზეეჰოფერი ვერ თანხმდებიან ერთიან ხაზზე მიგრაციულ პოლიტიკასთან მიმართებაში.
პოლიტიკური ძალები გერმანიაში ვერ თანხმდებიან მიგრაციულ საკითხებთან დაკავშირებით. კამათში ჩართულები არიან გერმანიის კანცლერი ანგელა მერკელი და გერმანიის შინაგან საქმეთა მინისტრი ჰორსტ ზეეჰოფერი. წერს გაზეთი „Die Welt“-ი. პოლიტიკოსები ჯერ ვერ შეთანხმდნენ მოახდინონ ერთიანი მიგრაციული პოლიტიკური ხაზის ფორმირება.
მერკელმა და ზეეჰოფერმა გამართეს შეხვედრა, რომელიც 2,5 საათს გრძელდებოდა. შეხვედრამ არანაირი შედეგი არ გამოიღო, წერენ ჟურნალისტები. უფრო მეტიც, გაჩნდა ინფორმაცია იმის თაობაზე, რომ ბავარიის ქრისტიან-სოციალური პარტია აპირებს განიხილოს საკითხი ფრაქციიდან გამოსვლის შესახებ. პარტია მრავალი წლის განმავლობაში ქმნიდა გერმანის მმართველი კოალიციის ბლოკს.
აღსანიშნავია, რომ ზეეჰოფერი ადრეც ახმოვანებდა მკაცრ პოზიციას მიგრაციულ პოლიტიკასთან დაკავშირებით. ბავარიის ფედერალური მიწის პრემიერ მინისტრის თანამდებობაზე ყოფნისას იგი ითხოვდა, რომ გერმანიაში მიგრანტების შემოსვლა შემცირებულიყო. ხოლო დღესდღეობით ის უკვე დარწმუნებულია რომ მიგრანტები პირდაპირ საზღვრიდან უნდა მიტრიალდნენ და უარი ეთქვათ თავშესაფარზე.
მერკელი საპირისპირო ხედვას იზიარებს. იგი მიიჩნევს, რომ მიგრანტებს აქვთ უფლება ქვეყანაში თავშესაფრის მიღების. არსებული პროცედურების თანახმად, მათ უნდა განაცხადონ და დაელოდონ სახელმწიფოს გადაწყვეტილებას თავშესაფრის შესახებ თვითონ გერმანიაში და არა საზღვარზე.
ფედერაოლური სამმართველოს ინფორმაციით მიგრანტებისა და ლტოლვილების საქმესთან დაკავშირებით 2015 წლიდან 2018 წლის აპრილამდე გერმანიაში განაცხადი თავშესაფრის მოთხოვნით შეიტანა 1,5 მილიონმა ადამიანმა.