თარიღი    დრო

მოულოდნელად მოვარდნილ ჭოროხში ჩარჩენილი 14 წლის ბიჭი მაშველებმა გადაარჩინეს

საქართველო, თბილისი - 16:13 06.14.2018 112

ხელვაჩაურის მუნიციპალიტეტში, ტაოს ქუჩაზე არსებული პურის ქარხნის მიმდებარე ტერიტორიაზე, 14 წლის ბიჭი  მდინარე ჭოროხის კალაპოტზე გავიდა და ცოტა ხნის წინ, მდინარის მოულოდნელად მოვარდნის გამო ყოველი მხრიდან წყლის გარემოცვაში აღმოჩნდა. "ბათუმელების" ინფორმაციით, მის სიცოცხლეს საფრთხე არ ემუქრება – ახლახან ის სამაშველო სამსახურმა ნაპირზე გამოიყვანა.

როგორც გამოცემა წერს, რომ საქართველო-თურქეთის საზღვართან,  დერინერის კაშხლის ამუშავების შემდეგ, მდინარე  ჭოროხი ყოველდღიურად საათობით, ზოგჯერ კი რამდენიმე დღით იკეტება. მდინარის გადაკეტვის შემდეგ, რამდენიმე წუთში, ჭოროხის კალაპოტის ძირითად ნაწილზე წყალი აღარ რჩება.

დამშრალი კალაპოტი მდინარის მიმდებარე სოფლებში მცხოვრები ბავშვებისთვის ხშირად არის გასართობი ადგილი. სავარაუდოდ, ასე მოხდა ამ შემთხვევაშიც.

ეს არც ისე უსაფრთხოა, რადგან წყლის გამოშვების შემთხვევაში, ადგილი აქვს მდინარის მოულოდნელ და ელვისებურ მოვარდნას. ამ დროს კი მდინარის კალაპოტში ღრმად შესული ადამიანი, გამოსვლას ვეღარ ასწრებს.

მდინარის გასწვრივ მცხოვრები მოსახლეობა ჯერ კიდევ 2010 წელს ითხოვდა მდინარეზე სპეციალური სასიგნალო მოწყობილობის დამონტაჟებას, მაგრამ მოწყობილობა დღემდე არ დაუმონტაჟებიათ.

ხმოვანი შეტყობინების დამონტაჟება იმას გულისხმობს, რომ თურქულმა მხარემ კაშხლებიდან მდინარის გამოშვებამდე ხმოვანი სიგნალით წინასწარ შეატყობინოს ქართულ მხარეს წყლის გამოშვების შესახებ.

 




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.1%
შემცირდა 11.2%
არ შეცვლილა 2.7%