გიორგი კვირიკაშვილი კი არ გადადგა არამედ ივანიშვილმა გაუშვა, - ამის შესახებ განაცხადა „ევროპული საქართველოს“ ლიდერმა, გიგი უგულავამ
მისი შეფასებით, ამ ქვეყნის პრობლემა არა კვირიკაშვილი, არამედ ბიძინა ივანიშვილია და სწორედ მისგან უნდა გათავისუფლდეს ქვეყანა.
„კვირიკაშვილი გადადგა იმიტომ, რომ ასე მოისურვა ივანიშვილმა. ისევე ,როგორც ღარიბაშვილი გადადგა ისე, რომ ვერც დაემშვიდობა ნორმალურად საზოგადოებას და წინასაახალწლოდ მისი ხელიღა დაგვრჩა, მტევანი რეკლამაში. პრობლემა არ არის არც ღარიბაშვილში, არც კვირიკაშვილში და არც შემდეგ პრემიერში ვისაც ივანიშვილი მოიყვანს. პრობლემა არის ივანიშვილში,“-განაცხადა გიგი უგულავამ და აღნიშნა, რომ ეს არის ივანიშვილის სტილი, მას ჰყავს ფავორიტები, ჯერ რამდენიმე წელი აიყვანს ჰაერში და შემდეგ დაანარცხებს მიწაზე.
