ევროკავშირი იმედოვნებს, რომ უსაფრთხოების სფეროში ნატო-ს ყველა წევრი ქვეყნის მონაწილეობის მიღება ურთიერთთანამშრომლობის გაღრმავებისკენ იქნება მიმართული, განაცხადა ევროკავშირის უმაღლესმა წარმომადგენელმა საგარეო საქმეთა და უშიშროების პოლიტიკის სფეროში ფედერიკა მოგერინმა, რომელიც პასუხობდა კითხვებს აშშ-ის ნატოდან შესაძლო გასვლასთან დაკავშირებით.
ოთხშაბათს გამართულ პრესკონფერენციაზე, რომელიც ეძღვნებოდა ევროკავშირის თავდაცვის დაფინანსების პროექტებს, ერთ-ერთმა ჟურნალისტმა მოგერინს დაუსვა კითხვა, თუ რამდენად შესაძლებელია, რომ დონალდ ტრამპის გადაწყვეტილებების შემდეგ: კლიმატის შეთანხმებიდან და ირანის ბირთვული პროგრამიდან გამოსვლის, ასევე მისი კრიტიკის გამო, ნატოს ტექნიკური ხარჯების გაზიარების კუთხით, აშშ-მ დატოვოს ალიანსი, მან უპასუხა, რომ „მე არ შემიძლია გიპასუხოთ არც ამერიკული ადმინისტრაციის და არც ნატოს სახელით“.
კითხვაზე, თუ როგორია წინასწარი შეგრძნება ამ საკითხთან დაკავშირებით, მოგერანმა უპასუხა, რომ „შეგრძნება ეს ის სიტყვა არაა, რაც ამ შემთხვევაში ნატოსა და მერიკის მიმართ უნდა გამოვიყენოთ“.
„მე ვიტყვი ერთს. ვხედავ, რომ ევროკავშირის მონაწილე ქვეყნები, რომლებიც შედიან ნატოს შემადგენლობაში, დიდ ყურადღებას უთმობენ ალიანსს. არის ინვესტიციის შესანიშნავი მაჩვენებლები ევროპელების მხრიდან ალიანსში და საქმეც, რომელსაც ჩვენ ვახორციელებთ ევროკავშირის ფარგლებში თავდაცვის გაძლიერებისთვის, ეს ფაქტიურად არის წვლილის შეტანა, რომელსაც ალიანსი ძალიან აფასებს“ - განაცხადა მან.
„ჩვენ ყოველთვის იმედი გვაქვს, რომ იგივე ხარისხს ჩადებს და ასეთივე პოლიტიკურ ჩართულობას გამოხატავს ნატოს სხვა მოკავშირეებიც“ - აღნიშნა მან.