პარიზი მზადაა რომთან დიალოგისა და თანამშრომლობისთვის მიგრანტების საკითხთან დაკავშირებით. განაცხადა საფრანგეთის საგარეო საქმეთა სამინისტრომ ორ ქვეყანას შორის არესებული დიპლომატიური დაძაბულობის ფონზე.
დიპლომატიური კრიზისი წარმოიქმნა 600 მიგრანტის ირგვლივ, რომელთაც იტალიის ხელისუფლებამ მიღებაზე უარი განუცხადა. საფრანგეთის მმართველი პარტიის წარმომადგენელმა გაბრიელ ატალმა იტალიის პოზიციას „ამაზრზენი“ უწოდა. ხოლო პრეზიდენტმა ემანუელ მაკრონმა იტალია „ცინიზმსა და უპასუხისმგებლობაში" დაადანაშაულა.
ფრანგულ კრიტიკას იტალიის ხელისუფლებამ უპასუხა, რომ არ აპირებს მიიღოს „თვალთმაქცური დარიგეგები ქვეყნისგან, რომელსაც მიგრაციის საკითხებში ყოველთვის ერჩივნა გვერდზე გამდგარიყო“.
"ორივე ქვეყნისთვის ძალზე მნიშვნელოვანია სწრაფად მივაღწიოთ შეთანხმებებს ევროპაში თავშესაფარის მინიჭების რეფორმასთან დაკავშირებით. ჩვენ ველით რომ ამაზე მუშაობა გაგრძელდება პარასკევს დაგეგმილი შეხვედრის ფარგლებში, რომელიც უნდა შედგეს საფრანგეთის პრეზიდენტ ემანუელ მაკრონსა და იტალიის პრემიერ-მინისტრ ჯუზეპე კონტეს შორის“ - წერია საფრანგეთის საგარეო საქმეთა სამინისტროს კომუნიკეში.