თარიღი    დრო

შტეფი გრაფი დღეს 49 წლის გახდა

საქართველო, თბილისი - 09:36 06.14.2018 245

შტეფი გრაფი დღეს 49 წლის გახდა. მსოფლიოს ყოფილი პირველი ჩოგანი,  შტეფანი მარია გრაფი 1969 წლის 14 ივნისს დასავლეთ გერმანიაში, მანჰაიმში დაიბადა. ის აღიარებულია ერთ-ერთ საუკეთესო ქალ ჩოგბურთელად ისტორიაში.

გრაფს ერთეულებში 22 დიდი სლემის ტურნირი აქვს მოგებული – 7 უიმბლდონი, 6 საფრანგეთის ღია პირველობა, 5 აშშ-ის ღია პირველობა და 4 ავსტრალიის ღია პირველობა. 1988 წელს გრაფი გახდა პირველი და დღემდე ერთადერთი ჩოგბურთელი (ქალი თუ მამაკაცი), რომელმაც ოქროს სლემი შეასრულა – ერთ წელიწადში მოიგო დიდი სლემის ოთხივე ტურნირი და ოლიმპიური ოქროს მედალი ერთეულებში. ასევე ის ერთადერთი ჩოგბურთელია, ვისაც ყველა დიდი სლემის ტურნირი მინიმუმ ოთხჯერ აქვს მოგებული. 1987 წლის საფრანგეთის ღია პირველობიდან 1990 წლის საფრანგეთის ღია პირველობის ჩათვლით, გრაფი ზედიზედ 13 დიდი სლემის ტურნირის ფინალში გავიდა და 9-ჯერ გაიმარჯვა. ჯამში მან დიდი სლემის 31 ფინალში ითამაშა.

გერმანელმა ჩოგბურთელმა ასევე მოიგო 5 წლის შემაჯამებელი ტურნირი, ერთი ოლიმპიური ოქროს მედალი ერთეულებში, 2 ფედერაციის თასი და 1 ჰოპმანის თასი გერმანიის ნაკრებთან ერთად. ჯამში გრაფს WTA-ის 107 ტურნირი აქვს ერთეულთა თანრიგში მოგებული. იგი 377 კვირის განმავლობაში იკავებდა ერთეულთა რეიტინგში პირველ ადგილს, რაც რეკორდული მაჩვენებელია როგორც ქალთა, ასევე მამაკაცთა ჩოგბურთში. გრაფს ასევე 1 უიმბლდონი აქვს წყვილებში მოგებული.

შტეფი გრაფმა კარიერა 1999 წელს დაასრულა. 2004 წელს, იგი საერთაშორისო ჩოგბურთის დიდების დარბაზში შეიყვანეს. გრაფის მეუღლეა ამერიკელი ყოფილი პროფესიონალი ჩოგბურთელი, ერთეულებში დიდი სლემის ტურნირების 8-გზის გამარჯვებული ანდრე აგასი

 




Tavdacva

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%