გერმანული პოლიცია ატარებს ჩხრეკას ფედერალურ მიწებზე გერმანიაში არალეგალი იმიგრანტების უკანონო შემოსვლის და ფიქტიური ქორწინების წინააღმდეგ. იუწყება გერმანული გამოცემა „Süddeutsche Zeitung“-ი.
ოპერაცია ტარდება ქალქებში: ლაიფციგი, აილენბურგი და ჰეთშტედი. პოლიციის წარმომადგენელბმა ადგილობრივ მედიას განუცხადეს, რომ ანალოგიური ოპერაციების ჩატარება აუცილებელია გერმანიის სხვა ფედერალურ მიწებზეც.
"ლაიფციგში ჩხრეკა ჩატარდა 27 შენობაში, ეჭვმიტანილია სამი ადამიანი. ისინი ეჭვმიტანილები არიან ფიქტიურ ქორწინებაში ქალებთან, რომლებიც არიან ევროპის წევრი ქვეყნებიდან. განსაკუთრებით ხშირია მსგავსი შემთხვევები რუმინეთის და ჩეხეთის მოქალაქეებთან, რომლებიც სპეციალურად ამ მიზნით ჩამოდიან ევროპაში“. პოლიციის ცნობით, მხოლოდ ლაიფციგში მსგავსი შემთხვევის ფაქტი უკვე ათეულობით დაფიქსირდა.
რუმინეთი და ჩეხეთი შედის ევროკავშირის ქვეყნებში და მათ ვისაც აქვთ ამ ქვეყნის პასპორტები, ვიზა და ცხოვრების უფლება, გერმანიას ისინი არ სჭირდება. ადგილობრივ პოლიციაზე დაყრდნობით, თავიდან თაღლითები, რომლებსაც ძირითადად ინდოელები და პაკისტანელები უხდიდნენ ფულს, წერდნენ თავიანთ კლიენტებს მათთვის სპეციალურად მიკუთვნებულ ბინებში. ხოლო ქორწინების რეგისტრაციის გავლის შემდეგ, თაღლითურ გარიგებაში მონაწილე ქალები სამშობლოში ბრუნდებოდნენ.
