თეა წულუკიანი ერთ-ერთი მინისტრია, რომელიც მე ძალიან მომწონს. ერთ-ერთი გაწონასწორებული პიროვნებაა. თეა წულუკიანი იქნება თუ არა მინისტრი, მე მის მიმართ ყოველთვის პატივისცემით ვიქნები გამსჭვალული, - ამის შესახებ საპარლამენტო უმრავლესობის წევრმა თემურ ჭკუასელმა სამთავრობო ცვლილებებთან დაკავშირებით განაცხადა.
მისი თქმით, ის სამთავრობო ცვლილებების საჭიროებას ვერ ხედავს.
„უმრავლესობის სხდომაზე ამაზე მსჯელობა დღეს უნდა იყოს. ჩემი აზრი თუ გაინტერესებთ, ამის საჭიროებას ვერ ვხედავ, მაგრამ, თუ ცვლილებები მოხდა, ამას ვინც წარადგენს, შესაბამისი დასაბუთებაც იქნება და ამ დასაბუთებას მოვისმენთ. ეს არის მთავარი. გუნდი იმსჯელებს“, – განაცხადა თემურ ჭკუასელმა.