ENG / RUS       12+

საერთაშორისო თანამეგობრობის ყველა წევრი უნდა გაერთიანდეს საქართველოს ტერიტორიული მთლიანობის მხარდასაჭერად - ელიზაბეთ რუდი

რესპოდენტის შესახებ

საერთაშორისო თანამეგობრობის ყველა წევრი უნდა გაერთიანდეს საქართველოს ტერიტორიული მთლიანობისა და სუვერენიტეტის მხარდასაჭერად, ისე, როგორც ამას აშშ და თანამეგობრობის ყველა წევრი აკეთებს, – ამის შესახებ საქართველოში აშშ-ის ელჩის მოვალეობის შემსრულებელმა ელიზაბეთ რუდიმ საქართველოს საგარეო საქმეთა სამინისტროში განაცხადა, სადაც ოკუპირებული აფხაზეთისა და „სამხრეთ ოსეთის“ სირიის მიერ „აღიარების“ საკითხზე დიპლომატებთან შეხვედრა გაიმართა.

მისი თქმით, აშშ სრულად უარყოფს სირიის მიერ ამ რეგიონების ე.წ. დამოუკიდებლობის აღიარებას და მოუწოდებს სირიას, ასევე რუსეთის ფედერაციას, ნიკარაგუას, ვენესუელასა და ნაურუს, რომ უკან წაიღონ ამ ტერიტორიების დამოუკიდებლობის აღიარება, როგორც ე.წ. დამოუკიდებელი სახელმწიფოებისა.

„აფხაზეთი და „სამხრეთ ოსეთი“ არის საქართველოს სუვერენული ტერიტორიის განუყოფელი ნაწილი. აშშ ამ რეგიონების დამოუკიდებლობის აღიარებას მოიაზრებს, როგორც საქართველოს ტერიტორიული მთლიანობის დარღვევას. აშშ სრულად უარყოფს სირიის მიერ ამ რეგიონების ე.წ. დამოუკიდებლობის აღიარებას და მოვუწოდებთ სირიას, ასევე რუსეთის ფედერაციას, ნიკარაგუას, ვენესუელასა და ნაურუს, რომ უკან წაიღონ ამ ტერიტორიების დამოუკიდებლობის აღიარება, როგორც ე.წ. დამოუკიდებელი სახელმწიფოებისა.

ასევე, ხაზს გავუსვამ, რომ არსებობს კონკრეტული შედეგებიც, რომელიც აშშ-ის გადაწყვეტილებით მსგავს აღიარებებს მოჰყვება. ჩვენ ასევე მოვუწოდებთ რუსეთის ფედერაციას, რომ უკან წაიღოს ამ რეგიონების აღიარება.

არ ვიცი, რა შეიძლება ამას მოჰყვეს, ვიტყვი იმას, რომ უკვე არსებობს აშშ-ის კანონმდებლობით განსაზღვრული ნაბიჯები იმ ქვეყნებისთვის, რომლებიც ამ ტერიტორიებს დამოუკიდებელ სახელმწიფოებად აღიარებენ.

ვფიქრობ, რომ მნიშვნელოვანია, საერთაშორისო თანამეგობრობის ყველა წევრი გაერთიანდეს საქართველოს ტერიტორიული მთლიანობისა და სუვერენიტეტის მხარდასაჭერად, ისე როგორც ამას აშშ და თანამეგობრობის ყველა წევრი აკეთებს“, – აღნიშნავს ელიზაბეთ რუდი.

ავტორი: . .