თელავში წვენებისა და დამატკბობლების მწარმოებელი ქარხანა სახელმწიფო პროგრამა „აწარმოე საქართველოში“ ფარგლებში აშენდება.
საწარმოს ასაშენებლად შპს „ნატვიტს“ თელავში, სადგურის ქუჩის შესახვევში მდებარე 7662.00 კვ.მ. მიწის ნაკვეთი და მასზე მდებარე შენობა-ნაგებობები ეკონომიკისა და მდგრადი განვითარების სამინისტრო-ს, სსიპ სახელმწიფო ქონების ეროვნული სააგენტოსგან გადაეცა.
ახალ საწარმოში 100% ნატურალური ყურძნისგან დამზადებული წვენის წარმოება მოხდება, ხოლო ყურძენს ადგილობრივი მოსახლეობისაგან ჩაიბარებენ, რაც ხელს შეუწყობს რთველის პერიოდში მოსახლეობისთვის მუდმივი შემოსავლის გაჩენას.