პარლამენტის შენობის წინ მიმდინარე აქციას თემირლან მაჩიკაშვილის მამა, მალხაზ მაჩალიკაშვილიც შეუერთდა. მან სიმართლის დასადგენად საზოგადოებას მხარდაჭერა სთხოვა.
"მე დღეს ყველაზე მეტად მესმის სარალიძის გულისტიკვილი. მე და ჩემი ხალხი ყოველთვის ვიქნებით სარალიძის და თქვენს გვერდით სიმართლის დასადგენად.
დღეს, ყველას კარგად გვესმის რამდენად ძნელი გახდა სიმართლის დადგენა. ყველაფერს ერთად გავაკეთებთ, რომ ჩვენნაირებმა სიმართლეს მიაღწიონ. ღმერთმა დაგვიფაროს ცუდისგან. ახლა ყველაზე მეტად თქვენი გვერდში დგომა და დახმარება გვჭირდება", - განაცხადა მაჩალიკაშვილმა.
ცნობისთვის, ამ წუთებში, ნუ მომკლავ - აღადგინე სამართლიანობა - ამ ლოზუნგით პარლამენტის შენობის წინ, ხორავას ქუჩაზე მოკლული მოზარდის, დავით სარალიძის საქმესთან დაკავშირებით ხალხმრავალი აქცია მიმდინარეობს.
აქციის მონაწილეები პირველ დეკემბერს, ხორავას ქუჩაზე მომხდარ სასტიკ მკვლელობაში მონაწილე პირების დასჯას მოითხოვენ. სარალიძეს გვერდში დგომას საზოგადოებისთვის ცნობილი ადამიანები, უბრალო მოქალაქეები, 51-ე სკოლის მოსაწვალეები უცხადებენ.
