თარიღი    დრო

დიმიტრი ქუმსიშვილი: ჩვენი ათასწლოვანი ისტორიიდან გამომდინარე, 100 წლის წინ უკვე გვქონდა ნამდვილად დემოკრატიული ღირებულებები

საქართველო, თბილისი - 21:23 05.26.2018 440

„100 წლის წინ საქართველოს დამოუკიდებელ, დემოკრატიულ რესპუბლიკად გამოცხადება, რა თქმა უნდა, ძალიან დიდი მიღწევა იყო ჩვენი ქვეყნისთვის - უკვე მაშინ, გამომდინარე ჩვენი ათასწლეული ისტორიიდან, გვქონდა ღირებულებები, რომელიც იყო ნამდვილად დემოკრატიული", - ამის შესახებ პირველმა ვიცე-პრემიერმა მედიის წარმომადგენლებს განუცხადა. დიმიტრი ქუმსიშვილმა ქართველ ხალხს საქართველოს დამოუკიდებლობის დღე მიულოცა.

პირველმა ვიცე-პრემიერმა ოჯახის წევრებთან ერთად დღეს რუსთაველის გამზირზე სადღესასწაულო ღონისძიებების ფარგლებში მოწყობილი ლოკაციები დაათვალიერა, მათ შორის ეკონომიკის სამინისტროს ტექნოპარკის, სააგენტოს „აწარმოე საქართველოში", „საქართველოს ფოსტისა" და ბათუმის საზღვაო აკადემიის სივრცეები.

„ჩვენ გვქონდა სამეწარმეო მარკეტი, სადაც პროგრამის „აწარმოე საქართველოში" 100-ზე მეტი ბენეფიციარის შექმნილი პროდუქცია იყო წარმოდგენილი. ასევე ჩვენს მოქალაქეებს ჰქონდათ შესაძლებლობა „საქართველოს ფოსტის" მიერ მოწყობილ სივრცეში საქართველოს ფოსტის ისტორიისა და მარკის ისტორიის განვითარებას გაცნობოდნენ. ეკონომიკის სამინისტროს მიერ რუსთაველის გამზირზე ასევე წარმოდგენილი იყო საზღვაო აკადემია და ინოვაციების და ტექნოლოგიების სააგენტო მრავალი საინტერესო აქტივობებით" - განაცხადა დიმიტრი ქუმსიშვილმა და აღნიშნა, რომ სამინისტრომ ასევე აქტიური მონაწილეობა მიიღო მთელი საქართველოს მასშტაბით, მათ შორის ქუთაისში, გორში, ფოთსა და სხვა ქალაქებში გამართულ სადღესასწაულო ღონისძიებებში.




Tavdacva

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%