შემიძლია დავადასტურო, რომ ერთ-ერთი პროკურორი, ეს იყო ზვიადი, ნამდვილად გამოიწია ხელით და მითხრა, ნახე, რას გიზამო, უბრალოდ სხვები ჩაერივნენ და არ მახსოვს, ვინ იდგა ჩვენს შუა, - განაცხადა ჟურნალისტებთან ხორვას ქუჩაზე მომხდარი მკვლელობის საქმეზე ერთ-ერთი არასრულწლოვანი ბრალდებულის ადვოკატმა, ინგა შარაშენიძემ.
როგორც ის განმარტავს, გარდა იმისა,რომ პროკურორი დაემუქრა, სიტყვიერი შეურაცხყოფაც მიაყენა.
"მითხრა, რომ ექსპერტიზის დასკვნა ყალბი წარვადგინე და შესაბამისად, მიიღებდა ზომებს. აქ არ იყო მხოლოდ მუქარა, აქ იყო ერთმანეთის შეურაცხყოფა. ვფიქრობ, პროკურატურამ ამაზე რაგირება უნდა მოახდინოს. პროკურორს, რომელიც სახელმწიფოს სახელით გამოდის სასამართლოში, როგორც ეთიკის ნორმები, ასევე სამსახური უკრძალავს დაემუქროს და შეურაცხყოფა მიაყენოს ადამიანს. ამაზე რეაგირებას ველოდები", - აღნიშნავს შარაშენიძე.
მისი განმარტებით, აღნიშნულ ინციდენტთან დაკავშირებით, მოსამართლე საქმის კურსში ჩააყენა. როგორც შარაშენიძე აღნიშნავს, ექსპერტ ნიკოლეიშვილზე დაკითხვისას იყო ზეწოლა. "რაც შეეხება ექსპერტიზის დასკვნას, აღნიშნული დასკვნით დასტურდება რეალური სიმართლე, რაც აბსოლუტურად განსხვავდება ბრალდების მხარის მიერ წარმოდგენილი ყველა მტკიცებულებისგან. კონკრეტულად მტკიცდება, რომ წარმოდგენილი ნივთმტკიცებულებების გარდა, სხვა საგნებია გამოყენებული ორივე გარდაცვლილზე", - დასძენს ადვოკატი.
ცნობისთვის, 2017 წლის პირველ დეკემბერს, ხორავას ქუჩაზე მოზარდებს შორის სისხლიან გარჩევას, ორი არასრულწლოვნის, დავით სარალიძისა და ლევან დადუნაშვულის სიცოცხლე ემსხვერპლა