საუდის არაბეთის ტახტის მემკვიდრემ, პრინცმა, მუჰამედ ბინ სალმან ალ საუდმა გასცა შიდა ბრძანება სახელმწიფო დაწესებულებებისთვის, რომლის თანახმადაც, საუდის არაბეთი აღარ განახორციელებს შესყიდვებს გერმანული კომპანიებისგან. სანქციებში მოექცნენ ისეთი ფორმები, როგორიცაა "Siemens", "Bayer" და "Boehringer".
აღსანიშნავია, რომ სანქციები ასევე შეეხო ავტომობილების საწარმო "Daimler"-საც, რომელსაც უნდა მიეწოდებინა რამდენიმე ასეული ავტობუსი საუდის არაბეთისთვის. წერს გერმანული ყოველკვირეული ჟურნალი "Der Spiegel"-ი.
ასეთი შეზღუდვების დაწესების მიზეზი არის ირანთან ბირთვული შეთანხმების შესახებ გერმანიის პოზიცია. როგორც ბერლინში აცხადებენ, ისინი არ აპირებენ უარი თქვან მიღწეულ შეთანხმებაზე. მიუხედავად იმისა, რომ გარიგებიდან გამოვიდა აშშ.
შეგახსენებთ, რომ 24 მაისს, აშშ-ის ფინანსთა სამინისტრომ განაცხადა ახალი სანქციების შესახებ ირანის წინააღმდეგ. ახლა, შეზღუდვაში მოყვა რამდენიმე ირანული ავიაგადამზიდავი და ასევე თურქული კომპანიები.
მანამდე ცნობილი გახდა, რომ აშშ-ის ფინანსთა სამინისტროს სანქციების სიაში მოხვდა ირანის ხუთი მოქალაქე. ხუთივე მათგანი კავშირში იყო ისლამური რევოლუციის გვარდიის კორპუსთან და ამ ორგანიზაციის ერთეულებთან.