მინიმუმ 15 ადამიანმა მიიღო სხეულის დაზიანებები კანადის ქალაქ მისისოგაში, გუშინ ღამით ერთ-ერთ შენობაში მომხდარი აფეთქების შედეგად.
აფეთქების შესახებ ინფორმაცია ხუთშაბათს ადგილობრივი დროით 22:30 საათზე გაჩნდა. ექიმების თქმით დაზარალებულებიდან სამის მდგომარეობა კრიტიკულად მძიმეა.
აფეთქების მიზეზი ჯერჯერობით უცნობია. პოლიციამ ინციდენტს "საეჭვო" უწოდა. მათ ჯერ ვერ დაადგინეს შენობის რომელ ნაწილში მოხდა კონკრეტულად აფეთქება და რამდენი ადამიანი იმყოფებოდა შენობაში.
ქალაქი მისისოგა ატლანტიკური ოკეანის სანაპიროზე მდებარეობს, ტორონტოს გვერდით.
