ამერიკის პრეზიდენტმა დონალდ ტრამპმა განაცხადა, რომ ეროვნული დაზვერვის ყოფილმა ხელმძღვანელმა ჯეიმს კლეპერმა აღიარა ის ფაქტი, რომ ამერიკელი ლიდერის წინასაარჩევნო კამპანიის დროს ხდებოდა თვალთვალი.
ეს განცხადება დონალდ ტრამპმა დღეს 24 მაისს თავის „Twitter“-ზე გააკეთა.
"კლეპერმა აღიარა, რომ ჩემს კამპანიას უთვალთვალებდა. აგენტებს გადაუხადეს დიდი თანხა, ჩვეულებრივზე ბევრად დიდი. ეს ყველაფერი უკვე გამოიყურება როგორც უდიდესი პოლიტიკური სკანდალი აშშ-ის ისტორიაში. შპიონაჟი საშინელი რამ არის" - წერს ტრამპი.
ასევე, აშშ-ის პრეზიდენტმა დაამატა, რომ ამერიკის შეერთებული შტატების ფედერალური საგამოძიებო ბიუროს ყოფილმა ხელმძღვანელმა, ჯეიმს კომი „იყო ცუდი ლიდერი, რომელმაც მიაყენა სპეცსამსახურებს დიდი ტკივილი".
შეგახსენებთ, რომ ადრე ტრამპმა განაცხადა, რომ თუკი გამოჩნდება მტკიცებულება იმისა, რომ მის წინასაარჩევნო ჯგუფში იყო გამოძიების ფედერალური ბიუროს ინფორმატორი - "ეს იქცევა სირცხვილად მთელი ქვეყნისთვის".