მიხეილ სააკაშვილმა დეპუტატ ვალერი გელაშვილის ცემის საქმეზე ადვოკატი აიცილა.
განცხადება ადვოკატმა, გიორგი ჩივიაშვილმა დღევანდელ სასამართლო სხდომაზე გააკეთა, რომელზეც ადვოკატს დასკვნითი სიტყვა უნდა წარმოეთქვა.
"მის მიმართ ხორციელდება პოლიტიკური დევნა და ამას მოწმობს არაერთი ადგილობრივი თუ საერთაშორისო ორგანიზაციის დასკვნები. ასევე ვიცით სტრასბურგის სასამართლოს გადაწყვეტილება ვანო მერაბიშვილის საქმეზე, რომ მისი საკნიდან გაყვანა მოხდა სწორედ ყოფილი პრეზიდენტის წინააღმდეგ ინფორმაციის გამოძალვის მიზნით. ეს ყველაფერი აძლევს საფუძველს რომ ბოიკოტს უცხადებს სასამართლოს, უარს ამბობს დაქირავებულ ადვოკატზე და შესაბამისად მე ვერ წარმოვადგენ მის ინტერესებს ვეღარ დავიცავ", - განაცხადა გიორგი ჩივიაშვილმა.
თავის მხრივ პროკურორმა აღნიშნა, რომ დაცვის მხარის ეს ნაბიჯი ემსახურება სასამართლო პროცესების გაჭიანურებას.