თარიღი    დრო

პრემიერ-მინისტრის მოწვევით, 26 მაისს საქართველოს ევროკომისიის პრეზიდენტი ეწვევა

საქართველო, თბილისი - 15:07 05.23.2018 348

 

საქართველოს პრემიერ-მინისტრი გიორგი კვირიკაშვილი 26 მაისს, პირველი დემოკრატიული რესპუბლიკის დაარსების 100 წლის იუბილისადმი მიძღვნილ საზეიმო ღონისძიებებში მაღალი რანგის სტუმრებთან ერთად მიიღებს მონაწილეობას.

მთავრობის მეთაურის მოწვევით, საქართველოს ევროკომისიის პრეზიდენტი ჟან-კლოდ იუნკერი ეწვევა, რომელსაც გიორგი კვირიკაშვილი 26 მაისს მთავრობის ადმინისტრაციაში უმასპინძლებს. შეხვედრის შემდეგ, საქართველოს პრემიერ-მინისტრი და ევროკომისიის პრეზიდენტი მედიისთვის განცხადებებს გააკეთებენ.

მთავრობის მეთაური, მაღალი რანგის სტუმრებთან ერთად, მონაწილეობას მიიღებს ეკონომიკურ ფორუმში, რომელიც სასტუმრო „ჰუალინგში“ 26 მაისს, 09:00 საათზე გაიხსნება.

გიორგი კვირიკაშვილი სიტყვით მიმართავს თავისუფლების მოედანზე, ფიცის დადების ცერემონიაზე შეკრებილ საზოგადოებას. ასევე, დაგეგმილია პრემიერის გამოსვლა კონფერენციაზე - “თანამშრომლობა კეთილდღეობისთვის - მომავალი ასწლეულის სტრატეგია”, რომელიც პარლამენტში გაიმართება.

დღის განმავლობაში გიორგი კვირიკაშვილი ორმხრივ შეხვედრებს გამართავს საქართველოში სტუმრად მყოფ სახელმწიფოების მეთაურებსა და დელეგაციების ხელმძღვანელებთან.

26 მაისს, განსაკუთრებით საზეიმოდ აღინიშნება  17:10 საათი, ზუსტად ის დრო,  როდესაც  1918 წელს,  ნოე ჟორდანიამ საქართველოს დამოუკიდებლობა გამოაცხადა. თბილისში,  მოსწავლე-ახალგაზრდობის სასახლეში  100 წლის წინანდელი მოვლენის თეატრალიზებული ინსცენირება გაიმართება. დამოუკიდებლობის აქტის გამოცხადების ღონისძიებას საქართველოს პრემიერ-მინისტრი მაღალი რანგის სტუმრებთან ერთად დაესწრება.

საიუბილეო ღონისძიებები თბილისში, ზაქარია ფალიაშვილის სახელობის თბილისის ოპერისა და ბალეტის სახელმწიფო თეატრში დაგეგმილი გალა კონცერტით დასრულდება, რომელზეც 5 ცნობილი ქართველი კომპოზიტორის მიერ სპეციალურად ამ დღისთვის შექმნილი განსხვავებული ჟანრის ნამუშევრები შესრულდება. საზეიმო კონცერტს პრემიერ-მინისტრი, საქართველოში სტუმრად მყოფი სახელმწიფოების მეთაურები და დელეგაციების ხელმძღვანელები დაესწრებიან.

დღის ბოლოს, საქართველოს პრემიერ-მინისტრი, ტრადიციულად, სხვადასხვა სფეროს წარმომადგენლებს საზეიმო მიღებაზე უმასპინძლებს.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.8%
შემცირდა 11.4%
არ შეცვლილა 2.8%