გამოძალვის ნაწილში ვგულისხმობთ პირადი ცხოვრების ამსახველი მასალების გახმაურების მოტივით თანხის გამოძალვას, - აცხადებს 20 წლის ანა ნაცვლიშვილის მკვლელობის საქმის პროკურორი, გრიგოლ ბიბილაშვილი.
ის აღნიშნულთან დაკავშირებით დეტალებზე არ საუბრობს, თუმცა, დასძენს, რომ გამოძალვის ნაწილი ნაცვლიშვილს არ ეხება.
"ბრალდების მხარე ლადო გრიგალაშვილს ედავება განსაკუთრებით მძიმე დანაშაულს, ანა ნაცვლიშვილის განზრახ მკვლელობას, რომელიც ჩადენილია განსაკუთრებული სისასტიკით. გარდა ამისა, მას წარდგენილი აქვს ბრალდება საქართველოს სისხლის სამართლის კოდექსის 181-ე მუხლისა და 157-ე მუხლის პირველი ნაწილით გათვალისწინებული დანაშაულის ჩადენისათვის.
დღეს დაცვის მხარემ წარმოადგინა რიგი შუამდგომლობები, ბრალდების მხარის მტკიცებულებების დაუშვებლად ცნობის თაობაზე. ჩვენ გონივრული ვადა მოგვეცა იმისათვის, რომ ვუპასუხოთ დაცვის მხარის შუამდგომლობებს", - აცხადებს ბიბილაშვილი.
მომდევნო სხდომა 2018 წლის 4 ივნისს 14 საათზე გაიმართება.