სტრასბურგის სასამართლოში ჩვენი სისწორის დამტკიცება საგანგებო მნიშვნელობის თემაა, – ამის შესახებ პარლამენტის ვიცე-სპიკერმა გია ვოლსკიმ განაცხადა.
„წარდგენილია არგუმენტები და მტკიცებულებები, რომელთა თავის მოყრა რეალურად 2013 წლიდან დაიწყო და თან საქმეს ახლავს. ვფიქრობ, რომ ეს საკმარისი იქნება იმისათვის, რომ საქართველოს პოზიციამ გამარჯვება ჰპოვოს“, – განაცხადა გია ვოლსკიმ.
ცნობისთვის, სტრასბურგის სასამართლო აგრძელებს საქმის განხილვას „საქართველო რუსეთის წინააღმდეგ (საქმე II)“. ზეპირი მოსმენა მიმდინარე წლის 23 მაისსაა ჩანიშნული.
სახელმწიფოთაშორის დავას სტრასბურგის სასამართლოს დიდი პალატა განიხილავს, რომელიც 17 ქვეყნის, მათ შორის, საქართველოდან და რუსეთიდან არჩეული მოსამართლეებითაა დაკომპლექტებული. დიდ პალატას ადამიანის უფლებათა ევროპული სასამართლოს პრეზიდენტი გვიდო რაიმონდი ხელმძღვანელობს.