საქართველოს ფოსტის ინიციატივით, წელს რიგით მეხუთე საიუბილეო „წერილის წერის საერთაშორისო კონკურსი“ გაიმართა. კონკურსში მონაწილეობა მიიღო 300-მდე 15 წლამდე ახალგაზრდამ და გამოვლინდა 9 საუკეთესო ნაშრომი: გრან პრი - ლანა მენთეშაშვილი, I ადგილი - სალომე ამყოლაძე, II ადგილი - მარიამ მაჩაიძე და ნინო გოგსაძე, III ადგილი - ნიკა ოთარაშვილი და მარიამ გიორგაძე, საქართველოს ფოსტის რჩეული - ანდრია კიკონაშვილი, გაერთიანებული საფოსტო კავშირის რჩეული - ნინო გობაძე და კონკურსის ჟიურის რჩეული - ანა გოგია.
მიმდინარე წლის საკონკურსო თემა გახლდათ - „წარმოიდგინე, რომ ხარ წერილი რომელიც მოგზაურობს დროში, რა ინფორმაციის მიწოდებას ისურვებდი მკითხველისთვის?”. „მსოფლიო საფოსტო კავშირში“ გაიგზავნება კონკურსის გრან პრის გამარჯვებული 12 წლის ლანა მენთეშაშვილის წერილი „გამარჯობა მსოფლიო!“ და ჩაერთვება საერთაშორისო საკონკურსო პროგრამაში. აღსანიშნავია, რომ კონკურსის ყველა მონაწილის მიერ მეტად საინტერესო თემები იქნა წარმოდგენილი.
„წერილის წერის საერთაშორისო კონკურსის“ მიზანია წერილის წერის ტრადიციის აღდგენა/დამკვიდრება და წერილობითი ურთიერთობის პოპულარიზაცია ახალგაზრდა თაობაში, ასევე თანამედროვე ტექნოლოგიების პირობებში წერილობითი ურთიერთობების შენარჩუნება.
„წერილის წერის საერთაშორისო კონკურსს“ საფუძველი ჩაეყარა „მსოფლიო საფოსტო კავშირის“ ტოკიოს კონგრესზე და 1971 წლიდან სისტემატურად იმართება, მასში მონაწილეობას იღებს მსოფლიო საფოსტო კავშირის 192 წევრი ქვეყანა.
(NS)