2018 წლის პირველ კვარტალში უმუშევრობა საქართველოში 0.1 პროცენტით გაიზარდა და 14 პროცენტს შეადგენს, - ამის შესახებ დღეს გამართულ ბრიფინგზე საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ განაცხადა.
მისი თქმით, ეს ტრადიციულად დაბალ ეკონომიკურ აქტივობას უკავშირდება.
„ზოგადად, ეკონომიკური აქტივობა საკმაოდ დაბალია პირველ კვარტალში და ის ხასიათდება უმუშევრობის შედარებით მაღალი დონით. ჩემი სუბიექტური შეფასებით, წლის განმავლობაში შესაძლოა უფრო დაბალ მაჩვენებელს ველოდოთ“, – განაცხადა თოდრაძემ.