თარიღი    დრო

მიხეილ ჯანელიძე დანიის საგარეო საქმეთა მინისტრს შეხვდა

საქართველო, თბილისი - 17:38 05.18.2018 414

საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ ევროპის საბჭოს 128-ე მინისტერიალის ფარგლებში შეხვედრა გამართა დანიის სამეფოს საგარეო საქმეთა მინისტრთან ანდერს სამუელსონთან.

მინისტრმა მადლობა გადაუხადა დანიელ კოლეგას ევროპის საბჭოს წარმატებული თავმჯდომარეობისა და დანიაში მასპინძლობისთვის.

შეხვედრაზე მინისტრებმა მიმოიხილეს საქართველოსა და დანიის წარმატებული ორმხრივი თანამშრომლობა, ის მხარდაჭერა, რომელსაც საქართველო იღებს დანიისგან როგორც ევროინტეგრაციის ასევე ევრო-ატლანტიკური ინტეგრაციის პროცესში, რისი გამოხატულებაც არის დანიის მთავრობის მხრიდან საქართველოსა და უკრაინის ევროპული ინტეგრაციის მხარდასაჭერად ფინანსური დახმარების გამოყოფა, რაც ითვალისწინებს საქართველოში დემოკრატიული რეფორმებისა და ეკონომიკური განვითარების მხარდაჭერას.

საუბარი შეეხო ნატო-ს მოახლოებულ სამიტს და გამოითქვა იმედი, რომ სამიტზე სათანადოდ დაფიქსირდება საქართველოს პროგრესი ალიანსში ინტეგრაციის გზაზე.

მინისტრებმა ყურადღება გაამახვილეს საქართველოსა და დანიას შორის ორმხრივი ეკონომიკური ურთიერთობების განვითარების თვალსაზრისით არსებულ შესაძლებლობებზე და გამოთქვეს მზადყოფნა ხელი შეუწყონ თანამშრომლობის ინტენსიფიკაციას ამ მიმართულებით.

დანიის საგარეო საქმეთა მინისტრმა მიულოცა საქართველოს 2023 წელს ზამთრის სათხილამურო სპორტში "Freestyle Ski and Snowboard" მსოფლიო ჩემპიონატის ჩატარება. დანიის საგარეო საქმეთა მინისტრმა კმაყოფილებით აღნიშნა მისი ოფიციალური ვიზიტი საქართველოში და ხაზი გაუსვა საქართველოს შთამბეჭდავ ტურისტულ შესაძლებლობებს.




Tavdacva

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.9%
შემცირდა 11.3%
არ შეცვლილა 2.8%