არაერთხელ გვითქვამს, რომ საქართველოსა და რუსეთს შორის შეხვედრა შესაძლებელია მხოლოდ მაშინ, როცა ამ შეხვედრას კონკრეტული მიზანი ექნება, - ამის შესახებ პარლამენტის საგარეო ურთიერთობათა კომიტეტის თავმჯდომარე სოფო ქაცარავამ განაცხადა.
მისი თქმით, ამ საკითხზე პრეზიდენტს შეეძლო, პრემიერ-მინისტრ გიორგი კვირიკაშვილის განცხადებისთვის მხარი დაეჭირა.
"ეს კონკრეტული მიზანი ტერიტორიულ მთლიანობასთან დაკავშირებული საკითხებია და თუ მცირე ნაბიჯი გადაიდგმება იმისკენ, რომ ეს პრობლემა მოგვარდეს. სხვა შემთხვევაში შეხვედრა – შეხვედრისთვის არ უნდა შედგეს. სხვა მოცემულობები და შესაძლებლობები იყო, როცა პრეზიდენტს შეეძლო, პრემიერ-მინისტრ გიორგი კვირიკაშვილის განცხადებისთვის მხარი დაეჭირა”, – განაცხადა ქაცარავამ.