თარიღი    დრო

ბრალდებულის ჩვენებით, მას გარდაცვლილი პირების დაზიანებაში, დაჭრას თავი რომ დავანებოთ, მონაწილეობა არ მიუღია - ზვიად ფხაკაძე

საქართველო, თბილისი - 19:29 05.17.2018 154

ბრალდებულის ჩვენებით, მას გარდაცვლილი პირების დაზიანებაში, დაჭრას თავი რომ დავანებოთ, მონაწილეობა არ მიუღია - ზვიად ფხაკაძე გარდაცვლილი პირების დაზიანებაში, დაჭრას თავი რომ დავანებოთ, მონაწილეობა არ მიუღია, - განაცხადა ხორავას ქუჩაზე მომხდარი მკვლელობის საქმის პროკურორმა ზვიად ფხაკაძემ.

მისი განმარტებით, დღეს დაკითხულმა ერთ-ერთმა არასრულწლოვანმა ბრალდებულის მიერ მიცემული ჩვენება საქმეში არსებულ მტკიცებულებებს აცდენილია.

"დაიკითხა ერთ-ერთი ბრალდებული, რომელსაც ორი, ან მეტი არასრულწლოვანი პირის განზრახ მკვლელობა, ასევე ქმედება ჩადენილი ჯგუფურად ედება ბრალად. ხსენებულმა პირმა თავის მიერ ბრალად შერაცხული ქმედება აბსოლუტურად გამორიცხა და მისი ჩვენების მიხედვით, ირკვევა რომ გარდაცვლილი პირების დაზიანებაში, დაჭრას თავი რომ დავანებოთ, მონაწილეობა არ მიუღია. ეს არის ბრალდებულის ჩვენება, რომელიც უნდა შეფასდეს სხვა მტკიცებულებებთან ურთიერთშეჯერებით. მკაფიოდ და ცალსახად ვაცხადებ, რომ ხსენებული პირის ჩვენება აბსოლუტურად აცდენილია საქმეში არსებულ მტკიცებულებებს და მხოლოდ მის მიერ გაკეთებულ განცხადებას ემყარება. გარკვეულ დეტალებზე ვარაუდით ისაუბრა, დეტალურად არ უსაბრია კონკრეტული პირის მიერ კონკრეტულ პირზე დანის დარტყმასთან დაკავშირებით. ისიც ვერ დაადასტურა ხსენებულმა პირმა, სხვა რომელიმე პირს ეჭირა თუ არა დანა, დაუნახა თუ არა, ესეც ვერ დაადასტურა. აცხადებდა გაურკვეველ ნივთს, ამბობდა რომ ვარაუდით დაინახა. თუ რამდენად რეალური იყო მის მიერ სასამართლო სხდომაზე მიცემული ჩვენება, დასკვნით სიტყვაში შესაფასებელია. თუ სასამართლო მიიჩნევს,რომ ეს ჩვენება გაზიარებადია, მასზე დაეყრდნობა. თუ მიიჩნევს რომ გაზიარებადი არაა, შესაბამისად არ დაეყრდნობა ამ ჩვენებას", - აცხადებს ფხაკაძე.

კითხვაზე, გაქრა თუ არა საქმიდან აღნიშნული ბრალდებულის მიერ გამოძიების ეტაპზე მიცემული ჩვენება, როგორც ის პასუხობს, დაკავებულს ჩვენება სასამართლომდე არ მიუცია.

"ხსენებული ბრალდებული გამოძიების სტადიაზე დაკითხული არ არის, დუმილის უფლება გამოიყენა, მაგრამ მასთან განხორციელებული არის ფარული აუდიო-ვიდეო ჩანაწერი, სადაც ის დეტალებზე საუბრობს. თუმცა ხსენებულ დეტალებზე განაცხადა რომ ეს იყო მის მიერ ზემოქმედების ქვეშ მიცემული და იმ მომენტში რაც გაახსენდა, ის გააჟღერა. აცხადებს რომ იმ დროს, როცა ფარული ჩაწერა მიდიოდა, ნაწილს სიმართლეს ამბობდა, ნაწილს ასიმართლეს. ხსენებული ბრალდებულის დაკავებიდან დაახლოებით, 6 თვეა გასული და სწორედ დღეს განაცხადა ამ დეტალების თაობაზე, რომ თითქოს, არასწორი ინფორმაცია მიუწოდებია ფარულ ჩანაწერში. მას დაკავებისთანავე ჰყავდა ადვოკატი, თუმცა,დღემდე ეს ინფორმაცია, რაც სასამართლო სხდომაზე განაცხადა, არც მისმა ადვოკატებმა გააჟღერეს და არც მანამდე მისცა მან ჩვენება. თუ ზაზა სარალიძემ განაცხადა, რომ ბრალდებულის მიერ მიცემული ჩვენება საქმიდან დაიკარგა, ეს ნონსესია. ბრაკდების სასარგებლო ინფორმაციას ბრალდების მხარე როგორ გააქრობდა საქმიდან, ალოგიკურია. ბრალდების მხარის პოზიციიდან, ეს ჩვენება რა თქმა უნდა, სასამართლომ არ უნდა გაიზიაროს, მან აბსურდული ინფორმაცია მოგვაწოდა. ერთ ადვოკატს ერთიდაიმავე გარემოებაზე სხვა პასუხი გასცა, მეორე ადვოკატს იმავე გარემოებაზე სხვა პასუხი გასცა, ბრალდების მხარემ როცა ფოტოსურათები წარვუდგინეთ, შემთხვევის ადგილის დართული დეტალები ვაჩვენეთ, ჩვენ იმავე საკითხზე სხვა პასუხი გაგვცა", - აცხადებს ფხაკაძე.

ცნობისთვის, პირველ დეკემბერს, ხორავას ქუჩაზე მოზარდებს შორის სისხლიან გარჩევას, ორი არასრულწლოვნის სიცოცხლე ემსხვერპლ




sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.7%
შემცირდა 11.5%
არ შეცვლილა 2.8%