მიუხედავად იმისა, რომ ლგბტ თემის უფლებებზე მომუშავე ორგანიზაციებმა დაანონსებული აქცია გააუქმეს, ჰომოფობიისა და ტრანსფობიის გასაპროტესტებლად მოქალაქეები კანცელარიასთან აქციას მაინც გამართავენ.
ის ადამიანები, რომლებიც გუშინდელი გადაწყვეტილებით უკმაყოფილოები იყვნენ, კანცელარიასთან საკუთარი გადაწყვეტილებით მიდიან.
ისინი ამბობენ, რომ მუქარის მიუხედავად, მათ საკუთარი აზრის დაფიქსირების საშუალება უნდა მიეცეთ და ამაზე სამართალდამცველებმა უნდა იზრუნონ.
აქციაზე „თანასწორობის მოძრაობის“ წევრებიც მივლენ, თუმცა არა როგორც აქციის ორგანიზატორები, არამედ, როგორც რიგითი მოქალაქეები.
კანცელარიის მიმდებარე ტერიტორიაზე ამ წუთებში უსაფრთხოების ზომები უკვე გამკაცრებულია, მობილიზებულები არიან სამართალდამცველები, დგას დამცავი ჯებირები და მომდებარე ქუჩებზე ავტომობილების გადაადგილება შეზღუდულია.