სამხრეთ კორეამ დღეს განაცხადა, რომ მზადაა იმოქმედოს როგორც შუამავალმა ჩრდილოეთ კორეასა და აშშ-ს შორის, რათა არ მისცეს საშუალება ფხენიანს ისტორიული მნიშვნელობის სამიტი ჩაშალოს. სამიტი სინგაპურში 12 ივნისს უნდა გაიმართოს.
ოთხშაბათს ჩრდილოეთ კორეამ განაცხადა, რომ სამიტი აშშ-სთან შესაძლიოა აღარ ჩატარდეს, რადგან ჩრდილოეთ კორეის ხელისუფლებამ ეჭვი შეიტანა აშშ-ის განზრახვაში, მათთვის არასახარბიელო გარიგების შეთავაზების შესახებ ბირთვულ განიარაღებასთან დაკავშირებით.
ჩრდილოეთ კორეის განგაშის ახსნა შეუძლია განცხადებას, რომელიც დღეს გამოქვეყნდა იაპონურ გაზეთ Asahi-ში.
ანგარიშში ნათქვამია, რომ აშშ-მ მოითხოვა, ჩრდილოეთ კორემ გაგზავნოს რამდენიმე ბირთვული ქობინი, საკონტინენტთაშორისო ბალისტიკური რაკეტა და ზოგიერთი ბირთვული მასალები საზღვარგარეთ, 6 თვის განმავლობაში. იმ შემთხვევაში, თუკი ჩრდილოეთ კორეა შეასრულებს ამ მოთხოვნებს, აშშ წაშლის მას ტერორიზმის სპონსორი ქვეყნების სიიდან.