აშშ-ის პრეზიდენტმა, დონალდ ტრამპმა მოუწოდა, შემოიღონ სიკვდილით დასჯა, როგორც სასჯელის ზომა პოლიციელის მკვლელობისთვის - წერს გაზეთი ABC.
"ჩვენ ბოლო უნდა მოვუღოთ ჩვენს პოლიციაზე თავდასხმებს და ეს ეხლავე უნდა გავაკეთოთ“ - განაცხადა ტრამპმა ცერემონიის დროს, რომელიც ეძღვნებოდა სამსახურეობრივი მოვალეობის შესრულების დროს გარდაცვლილი პოლიციელების ხსოვნას.
“ჩვენ მიგვაჩნია, რომ დამნაშავეები, რომლებიც კლავენ ჩვენს პოლიციელებს, სიკვდილით უნდა დაისაჯონ. მოდით გავაკეთოთ ეს“ - განაცხადა პრეზიდენტმა.
მას არ დაუკონკრეტებია, თუ რა საშუალებით უნდა მოხდეს ამ იდეის რეალიზება, თუმცა აღნიშნა, რომ „მისცა ბრძანება იუსტიციის დეპარტამენტს, გააკეთონ ყველაფერი იმისთვის, რომ შეწყდეს უსაფრთხოების ძალებზე თავდასხმები“.
მოწოდება, "სიკვდილით დასჯა" უკვე გაისმა 2015 წელს დონალდ ტრამპის წინასაარჩევნო კამპანიის დროს. ორი თვის წინ პრეზიდენტმა განაცხადა, რომ მიაღწევს სიკვდილით დასჯის შემოღებას ნარკოტიკების უკანონო მოვაჭრეებისთვის.
ამჟამად, სიკვდილით დასჯა, განსაკუთრებით მძიმე დანაშაულისთვის აშშ-ის 31 შტატში ხორციელდება, თუმცა პრაქტიკაში იშვიათად გამოიყენება. სიკვდილმისჯილთა უმრავლესობას სასჯელს სამუდამო პატიმრობით უცვლიან.