„ჩვენ უფრო ეფექტურად მიგვაჩნია რუსეთში წასვლა,“- ეს განცხადება, „პატრიოტთა ალიანსის“ წევრმა ადა მარშანიამ გააკეთა. მარშანია მიიჩნევს, რომ ტატუნაშვილის, ოთხოზორიას საქმეებთან და ოკუპირებულ ტერიტორიებზე რუსეთის ქმედებებთან დაკავშირებით, ხელისუფლებას სამუშაო აქვს არა ევროკავშირთან, არამედ ოკუპანტ ქვეყანასთან.
ადა მარშანია ამბობს, რომ ის ხვალ მოსკოვში მიემგზავრება და ოკუპირებულ რეგიონებში არსებულ ვითარებასთან დაკავშირებით გეგმავს საუბარს.
არსებულ ვითარებაზე კითხვების დასმას „პატრიოტთა ალიანსის“ წევრი, საგარეო საქმეთა მინისტრისთვისაც გეგმავს. მიხეილ ჯანელიძეს ამ წუთებში პარლამენტში კომიტეტების გაერთიანებულ სხდომაზე უსმენენ.
„ხვალ მივფრინავ მოსკოვში და ეს საკითხები იქ უფრო უნდა მოვაგვაროთ, ვიდრე ევროკავშირთან. სამწუხაროდ და საუბედუროდ, ევროკავშირს რაც შეეძლო, ჩვენ მხარი დაგვიჭირა, ასეთი არნახული მხარდაჭერა არც მახსოვს კონკრეტულ საქმეზე., მაგრამ, ჩვენ ხომ ალბათ, ყველას ვარაუდი გვაქვს, რომ არც არაფერს უნდა ველოდოთ სახარბიელოს“,- განაცხადა ადა მარშანიამ.