პირს ბროსნანი დღეს იუბილარია. ცნობილი ირლანდიელი მსახიობი და პროდიუსერი პირს ბროსნანი დღეს 65 წლის გახდა. პირს ბროსნანი 1953 წლის 16 მაისს პატარა ირლანდიურ ქალაქში დაიბადა.
როგორც ირკვევა მსახიობს რთული ბავშვობა ჰქონდა, რადგანაც მისმა მამამ, პროფესიით ფეიქარმა, ოჯახი მიატოვა, როდესაც პირსი ჯერ კიდევ ჩვილი იყო. პირსმა მამა მას შემდეგ გაიცნო, რაც ცნობილი ადამიანი გახდა.
როდესაც პირსი ათი წლის გახდა, მისი დედა მეორედ გათხოვდა და ბავშვი თან წაიყვანა. ლონდონში ბროსნანი პირველად მოხვდა კინოში და პირველი ფილმი, რომელიც მან ნახა აღმოჩნდა "გოლფინგერი" შონ კონერის მონაწილეობით. კინომ სამუდამოდ შეიპყრო პირსის წარმოსახვა.
მან ითამაშა ყველა კლასიკური როლი – შექსპირიდან დაწყებული ტებესი უილიამსით დამთავრებული. მან ამ თამაშისთვის სამადლობელო დეპეშაც კი მიიღო, რომელიც დღემდეა მის სახლში ინახება.
პირს ბროსნანი მთელი თავისი ცხოვრების განმავლობაში ოცნებობდა ბონდის შესრულებას – ისტორიის ყველაზე დიდი შპიონის. ახლა რთულია სხვა აგენტ 007 წარმოდგენა.
1980 წელს პირს ბროსნანი ავსტრალიელ მსახიობზე, კასანდრა ჰარისზე დაქორწინდა და მისი ორი შვილი შარლოტი და კრისტოფერი იშვილა.1983 წელს წყვილს ვაჟი – შონი შეეძინა.
1987 წელს კასანდრას საკვერცხის კიბოს დიაგნოზი დაუსვეს, 1991 წლის 28 დეკემბერს 43 წლის კასანდრა ჰარისი გარდაიცვალა.
2001 წელს პირსი ჟურნალისტსა და ტელეწამყვან კილი შეი სმიტზე დაქორწინდა, რომელთანაც 7 წლიანი ურთიერთობა აკავშირებდა. წყვილს ორივაჟი ჰყავს.