8 აგვისტოს, 10:00 საათზე, პარტიის _ "ჩვენი საქართველო - თავისუფალი დემოკრატები" _ წარმომადგენლები აგვისტოს ომის დროს დაღუპულ ჯარისკაცების საფლავებს მუხათგვერდის ძმათა სასაფლაოზე გვირგვინით შეამკობენ.
როგორც "ჯი-ეიჩ-ენს" პარტიის ერთ-ერთმა ლიდერმა ზურაბ აბაშიძემ განუცხადა, აგვისტოს ომში დაღუპული ჯარისკაცების ხსოვნისადმი მიძღვნილ ყველა ღონისძიებაში მონაწილეობას მიიღებს, როგორც პარტიის სახელით, ასევე საკრებულოს ფარგლებში.
"დღემდე მიგვაჩნია, რომ ამ ომის დიპლომატიური გზით თავიდან აცილება შეიძლებოდა, სწორედ ამიტომ ვართ დღევანდელი ხელისუფლების ოპოზიციაში. თუმცა რუსეთი რომ ოკუპანტია, ამაზე საქართველოს ყველა მოქალაქე თანხმდება. ჩვენი მიზანია მივაღწიოთ საქართველოს ტერიტორიების დეოკუპაციის დაწყებას და 12 აგვისტოს მედვედევი-სარკოზის რუსეთის მხრიდან შესრულებას", - განაცხადა აბაშიძემ.
მისი თქმით, აგვისტოს ომის ორი წლისთავისადმი მიძღვნილ ღონისძიებებს პარტიის ლიდერი ირაკლი ალასანია ვერ დაესწრება, რადგანაც იგი ამერიკის შეერთებულ შტატებში იმყოფება.