სოციალური აქცია "ვხატავთ რომპეტროლს" 8 აგვისტოს განახლებული ფორმატით გორში გაიმართება. კვირას 13:00 საათზე, გორის ახალ ბაღში (მის: გურამიშვილის ქ. 1)
მხატვრები, ანიმატორები და მხიარული მულტფილმების პერსონაჟები გაართობენ პატარებს და ერთად დახატავენ სურათებს მზრუნველობა მოკლებული ბავშვების დასახმარებლად.
ბავშვები, რომლებიც აქციაში ჩაერთვებიან, რომპეტროლისგან ხატვისათვის საჭირო ატრიბუტებს და სპეციალურ დიპლომებს მიიღებენ. მათთან ერთად გაერთობიან, დახატავენ, იმღერებენ, იხტუნავებენ ბატუტზე და ითამაშებენ ბავშვთა სახლების აღმსაზრდელებიც.
„აქცია დევიზით - „შეითავსე მხატვრის როლი, და დახატე რომპეტროლი" საქართველოს სხვადასხვა ქალაქებში პირველად გასულ წელს წარმატებით ჩატარდა და გადავწყვიტეთ ის უფრო მასშტაბური გავხადოთ, რათა ბავშვებს კიდევ არაერთი ლამაზი დღე ვაჩუქოთ. ამ მიზნით, „ვხატავთ რომპეტროლს" მთელი აგვისტოს განმავლობაში ყოველ კვირა დღეს, სხვადასხვა ქალაქებში ტარდება," - აცხადებს რომპეტროლ საქართველოს გენერალური დირექტორი ალექსანდრე ალბინი.
აქცია 1 აგვისტოს ბათუმიდან დაიწყო, 15 აგვისტოს ბორჯომში გაგრძელდება, 22 აგვისტოს ზოოპარკში გაიმართება, ხოლო 29 აგვისტოს „ვხატავთ რომპეტროლს" წყნეთის ბავშვთა სახლში საგანგებოდ მოეწყობა. სექტემბერში გაიმართება ნახატების გრანდიოზული გამოფენა-გაყიდვა, ხოლო შემოსული თანხა მთლიანად მზრუნველობა მოკლებულ ბავშვებს გადაეცემა.
აღნიშნული პროექტი „რომპეტროლის" სოციალური პასუხისმგებლობის პლატფორმის ფარგლებში ხორციელდება, რომლის სახელწოდებაა "ჩვენი მომავლის ენერგია".