„ქართული ოცნების“ პოლიტიკური ელიტა პარაზიტად ჩამოყალიბდა, რომელიც ივანიშვილის ავტორიტეტით და რესურსებით იკვებებოდა - განაცხადა პოლიტოლოგმა გია ხუხაშვილმა ტელეკომპანია პირველის ეთერში, გადაცემა „რეაქციაში“
მისი თქმით, კარგად ჩანდა რომ ჩამოყალიბდა მმართველობითი კრიზისი, ბოლო თვეებში განსაკუთრებით.
„სრული ქაოსი მივიღეთ საბოლოო ჯამში,. დაპირსპირება უმრავლესობის შიგნით. დაპირისპირება საკნონმდებლო და აღმასრულებელ ხელისუფლებას შორის და ასე შემდეგ. ამის გარდა, ბევრი სხვა ინდიკაცია იყო. რაც მთავარია, ქართული ოცნების პოლიტიკური ელიტა პარაზიტად ჩამოყალიბდა, რომელიც იკვებებოდა ბიძინა ივანიშვილის ავტორიტეტითა და რესურსებით და აღარაფრის კეთება არ უნდოდათ. იმის შიშით რომ არაფერი გაეფუჭებინათ, არაფერს აკეთებდნენ. შესბამისად, ეს რისკები გადადიოდა სახელმწიფოერბივ რისკებში. ამის მიზეზი ისიც იყო, რომ არ არსებობს ალტერნატიული ძალა. ქვეყანაში რომ შეიქმნას პოლიტიკური კრიზისი, არ არსებობს ძალა, რომელსაც შეუძლია ჩაანაცვლოს „ქართული ოცნება“. ეს განსაკუთრებით დრამატულ როლს ქმნიდა ამ ყველაფერში“, - განაცხადა ხუხაშვილმა.